TEAMWORK TA SOSTENÉ BUSKADONAN DI TRABOU I TA DUNA 10 KURSO DI SOLISITUT GRÁTIS

Tin hopi inseguridat den nos komunidat debí na e impakto di Covid-19. Riba e área di ekonomia, nos ta enfrentando retonan grandi mirando ku hopi ta esnan ku lo pèrdè nan trabou. Pa por duna un kontribushon na esaki, Teamwork lo duna 10 kurso di solisitut pòrnada na personanan ku ta en buska di un trabou nobo.

E kurso di solisitut lo tuma lugá online. E ta enfoká riba tur elemento ku ta importante pa bo por presentá bo mes na un manera profeshonal riba e merkado di labor. Nos lo pasa den henter e proseso di solisitut: nos lo kuminsá na determiná ken bo ta, kiko bo ke, kon pa skibi un karta di solisitut i kon pa hiba un kombersashon profeshonal. Banda di e kurso, tambe bo por hasi uso di e ekspertisio di Teamwork. Ta nos plaser pa sostené bo den e proseso aki.

Bo ke tin e oportunidat pa partisipá na e kurso gratis aki? Bo por kuminsa na “like” e mensahe, i indiká pakiko lo bo ke partisipá. Tambe bo por “tag” un persona ku bo ta kere mester partisipá na e kurso aki. Studiantenan ku a terminá nan estudio i ku ta buskando un trabou, tambe ta bin na remarke. E akshon ta bálido te ku 31 mei.

Bo ke risibí mas informashon tokante e kurso? Bishitá nos website www.teamworkcuracao.com òf tuma kontakto ku nos via telefòn +599 9 4616645 òf manda nos un mail na info@teamworkcuracao.com.